Neend - Office ki!!!

Been a while since I was here...Had been hell busy with work all this while. And today, when I have got some time, I would like to share some thoughts that cross my mind everyday...specially after lunch...:-)

Jab neend aankhon par bhari ho jaye,

Koi bataye, kaam kaise kiya jaye,

Jab itni saari badhiya cheeze ho dopahar ke khane mein,

Kya koi matlab banta hai unhe sirf dur se dekhne mein?

Har kisi ka dabba dikhta hai rangin, kisi ne bindi layi kisi ne soya,

Har kisi ka dabba thoda nahi chakha, to kaise samjhega tumne aaj kya hai khoya?

Har roj sochte hai “aaj dopahar kaam mein bitayenge yaar,”

Har roj kehte hai, “aaj to khalo kaam kar lenge yaar”,

Kal kare so parso kar parso kare so tarso,

Itni bhi kya jaldi hai pyare, jab jeena hai barso,

Kahani har office ki, kahani har employee ki,

Dare sehme saare raah dekhte hai us lunch ke baadwali meeting ki,

Boss ka presentation ho, ya ho client call,

Khane ke baad meeting ho, to point dikhne lagta hai football,  

Dekhte rehte hai ek hi chart ko baar baar,

Sochte rehte hai aisa nahi karenge agli baar,

Par dusre din phir wohi kahani dohrate hain,

Table pe baithte hi sawal puchhte hai, aaj kya kya hai khaane main?

I will share some more poems on one of the most beautiful topics - Sleep, in a few days...:-)